మెగాస్టార్ ఎంట్రీపై సూపర్ కామెంట్స్
మెగాస్టార్ చిరంజీవి సోషల్ మీడియాలోకి ఎంట్రీ ఇచ్చేశారు. ఉగాది సందర్భంగా చిరంజీవి ఉగాది శుభాకాంక్షలు చెబుతూ ట్విట్టర్ ఖాతా ప్రారంభించారు. ఈ సందర్భంగా ఆయన రెండు ట్వీట్లు చేశారు. ‘అందరికీ శార్వరి నామ ఉగాది శుభాకాంక్షలు’ అని తెలుపుతూ కరోనా విజృంభణపై జాగ్రత్తలు తెలుపుతూ చిరు తొలి ట్వీట్ చేశారు.
ఇక సోషల్ మీడియాలోకి మెగాస్టార్ కి ఘన స్వాగతం లభించింది. చిరు తొలి ట్వీట్‌ను రీట్వీట్‌ చేస్తూ పలువురు హీరోలు ఆయన్ని సోషల్ మీడియాలోకి ఘనంగా ఆహ్వానించారు. చిరుకి స్వాగతమని, ఆయన చెప్పే మాటలు ఈ విపత్కర పరిస్థితుల్లో చాలా మందికి మార్గదర్శకాలుగా నిలుస్తాయని అక్కినేని నాగార్జున తెలిపారు. సూపర్ స్టార్ మహేష్ బాబు కూడా మెగాస్టార్ కి స్వాగతం చెప్పారు. ‘వెల్ కమ్ టు ట్విట్టర్ సర్’ అని కామెంట్ పెట్టాడు. సినీ స్టార్స్ మాత్రమే కాదు.. అభిమానుల నుంచి చిరుకి ఘన స్వాగతం లభించింది.
Welcome to Twitter, sir👍 https://t.co/lvb4WdYKPj
— Mahesh Babu (@urstrulyMahesh) March 25, 2020
