ఎన్టీఆర్ నీరు.. రామ్ చరణ్ నిప్పు !

నీరు, నిప్పు ఎలా కలిశాయ్. వాటిని దర్శకధీరుడు రాజమౌళి ఎలా కలిపారు అన్నది తెలియాలంటే ‘ఆర్ ఆర్ ఆర్ –  రౌద్రం రణం రుధిరం’ చూడాల్సిందే. ఎన్టీఆర్, రామ్ చరణ్ కథానాయకులుగా రాజమౌళి దర్శకత్వంలో ‘ఆర్ఆర్ఆర్’ తెరకెక్కుతోన్న సంగతి తెలిసిందే. ‘బాహుబలి’ తర్వాత రాజమౌళి చేస్తున్న చిత్రమిది. ఉగాధి కానుకగా బుధవారం ఆర్ ఆర్ ఆర్ టైటిల్ లోగో, మోషన్ పోస్టార్ ని విడుదల చేశారు. ఇందులో ఎన్టీఆర్ నీరు, రామ్ చరన్ నిప్పుగా చూపించారు.

వారిద్దరు ఎలా కలిశారు? ఆ తర్వాత ఏం జరిగింది ?? అసలు నీరు, నిప్పు కలిసే అవకాశం ఉందా ??అనేది తెరపై చూడాల్సిందే.  
స్వాత్రంత్య్ర సమరయోధులు కోమరం భీమ్, అల్లూరి సీతారామరాజుల కథతో తెరకెక్కుతోంది. ఇందులో కొమరం భీమ్ గా ఎన్టీఆర్, ఆయనకి జోడిగా హాలీవుడ్ హీరోయిన్ ఓలివియా మోరీస్ నటిస్తున్నారు. అల్లూరి సీతారామరాజుగా రామ్ చరణ్, ఆయనకి జోడీగా బాలీవుడ్ భామ అలియా భట్ నటిస్తున్నారు. దాదాపు రూ. 400కోట్ల బడ్జెట్ తో దానయ్య నిర్మిస్తున్నారు. వచ్చే యేడాది జనవరి 14న రౌద్రం రణం రుధిరం ప్రేక్షకుల ముందుకు రానుంది.