త్రిష కరోనా హెచ్చరికలు
కరోనా కట్టడి కోసం సినీ స్టార్స్ తమవంతు ప్రయత్నం చేస్తున్న సంగతి తెలిసిందే. కరోనాపై ప్రజల్లో అవగాహన కల్పించేందుకు వీడియోలు విడుదల చేస్తున్నారు. జాగ్రత్తగా ఉండాలని ప్రజలని హెచ్చరిస్తున్నారు. అంతేకాదు.. కరోనా కట్టడి కోసం తమవంతుగా ఆర్థికసాయం కూడా చేస్తున్నారు. తాజాగా హీరోయిన్ త్రిష కరోనాపై ప్రజలకి జాగ్రత్తలు చెబుతూ ఓ వీడియో విడుదల చేశారు.
“ప్రతి ఒక్కరూ ఇంట్లోనే సురక్షితంగా ఉండాలని కోరారు. కరోనాకు ప్రాంతం, భాష, వయసు వంటివి ఏవీ తెలియవని వ్యాఖ్యానించారు. ఎవరికైనా సోకుతుందని చెప్పారు. ఒక ప్రాంతం, రాష్ట్రంపై మాత్రమే దాని ప్రభావం ఉంటుందనుకోవడం సరి కాదని హెచ్చరించారు. అందువల్ల అందరూ ఇంట్లోనే అప్రమత్తంగా ఉండాలని కోరారు. ఇన్ని రోజులపాటు ఇంట్లోనే ఉండటం కాస్త కష్టమైన విషయమేనని చెప్పారు. అయినప్పటికీ మనల్ని, మన సమాజాన్ని కాపాడుకునేందుకు ఇది తప్పదని.. అందరూ ఐకమత్యంగా ఎదుర్కుని కరోనాను తరమికొట్టాలి” అని పిలుపునిచ్చారు.
