‘రంగ్‌దే’ ఫస్ట్‌లుక్‌
యంగ్ హీరో నితిన్ ఒకరోజు ముందుగానే పుట్టినరోజు కానుకని అందజేశారు. సోమవారం (మార్చి 30) నితిన్ పుట్టినరోజు. అయితే ఆదివారమే ఆయన బర్త్ డే గిఫ్ట్ గా ‘రంగ్ దే’ ఫస్ట్ లుక్ ని విడుదల చేశారు. ఇందులో కథానాయిక కీర్తి సురేశ్‌, నితిన్‌ను చూపించారు. వారిద్దరూ అను, అర్జున్‌ పాత్రల్ని పోషిస్తున్నట్లు తెలిపారు.
‘తొలిప్రేమ’ ఫేం వెంకీ అట్లూరి దర్శకత్వంలో ‘రంగ్ దే’ తెరకెక్కుతోంది. దేవిశ్రీ ప్రసాద్‌ సంగీతం అందిస్తున్నారు. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ నిర్మిస్తున్నారు. రంగ్ దే సినిమాతో పాటు చంద్రశేఖర్‌ ఏలేటి దర్శకత్వంలో నితిన్ ఓ సినిమా చేస్తున్న సంగతి తెలిసిందే. ఈ రెండు సినిమాల తర్వాత కృష్ణ చైతన్య దర్శకత్వంలో నితిన్ సినిమా ఉండనుందని చెబుతున్నారు.
