‘ఆచార్య’ ఫస్ట్ లుక్ వచ్చేస్తోంది

కరోనా ప్రభావంతో లాక్‌డౌన్‌ నేపథ్యంలో సినిమా షూటింగ్స్ అన్నీ వాయిదా పడిన సంగతి తెలిసిందే. షూటింగ్స్ వాయిదా పడిన సినిమా ప్రమోషన్స్ మాత్రం చేసుకొనే వీలుంది. రామ్ చరణ్ బర్త్ డే కానుకగా ‘ఆర్ఆర్ఆర్’ నుంచి ఆయన లుక్ ని విడుదల చేసిన సంగతి తెలిసిందే. దానికి మంచి స్పందన వచ్చింది. నితిన్ బర్త్ డే కానుకగా వచ్చిన రంగ్ దే ఫస్ట్ లుక్ కి రెస్పాన్స్ అదిరిపోయింది. ఈ నేపథ్యంలో సినిమా ప్రమోషన్స్ పై ఫోకస్ పెరిగింది.

‘ఆచార్య’ ఫస్ట్ లుక్ కూడా ముహూర్తం ఫిక్సయినట్టు సమాచారమ్. కొరటాల శివ దర్శకత్వంలో మెగాస్టార్ చిరంజీవి నటిస్తున్న చిత్రమిది. జెడ్ స్పీడుతో షూటింగ్ జరుపుకుంటున్న ఆచార్యకి కరోనా బ్రేక్ వేసింది. మరో నెలరోజుల పాటు షూటింగ్ జరిగే పరిస్థితులు కనిపించడం లేదు. ఈ నేపథ్యంలో ఆచార్య ప్రమోషన్స్ మొదలెట్టాలే ఆలోచనలో చిత్రబృందం ఉంది. శ్రీరామనవవి కానుకగా ఏప్రిల్ 2నే ఆచార్య ఫస్ట్ లుక్ రాబోతుందని చెబుతున్నారు.

ఈ సినిమా కోసం హీరోయిన్ గా త్రిషని తీసుకొన్నారు. అయితే క్రియేటివ్ డిఫరెన్స్ వలన సినిమా నుంచి తప్పుకుంటున్నట్టు త్రిష ప్రకటించింది. ఆమె స్థానంలో మరో హీరోయిన్ ని తీసుకొనే పనిలో చిత్రబృందం ఉంది. కాజల్, ఇలియానా పేరు వినిపిస్తున్నాయి. ఈ సినిమాలో చిరు మాజీ నక్సలైట్ గా, దేవాదాయ శాఖ అధికారిగా కనిపిస్తారని తెలుస్తోంది. అంతేకాదు.. ఈ సినిమాలో రామ్ చరణ్ కీలక పాత్రలో మెరవబోతున్నారు.