కరోనాపై పాట పాడిన చిరు, నాగ్

దేశంలో కరోనా రోజు రోజూకి విజృంభిస్తోంది. కరోనా కట్టడి కోసం కేంద్ర, రాష్ట్ర ప్రభుత్వాలు తీవ్రంగా శ్రమిస్తున్నాయి. ఇందులో భాగంగా లాక్‌డౌన్ ప్రకటించాయి. ఏప్రిల్ 14 వరకు దేశంలో లాక్‌డౌన్ కొనసాగనుంది. ఈ నేపథ్యంలో సినీ కార్మికులని ఆదుకొనేందుకు సినీ ప్రముఖులు ముందుకొచ్చి.. సిసిసి సంస్థని ఏర్పాటు చేసిన సంగతి తెలిసిందే. 

ఈ సంస్థకి విరాళాలు వెలువెత్తుతున్నాయి. తాజాగా సిసిసి కోసం అగ్ర కథానాయకులు మెగాస్టార్ చిరంజీవి, కింగ్ నాగార్జున పాటపాడారు. వీరితో పాటు యువ హీరోలు వరుణ్ తేజ్, సాయిధరమ్ తేజులు గొంతు కలిపారు. ఈ పాటని ప్రముఖ సంగీత దర్శకుడు కోటి రూపొందించారు. ఇప్పుడీ సాంగ్ సోషల్ మీడియాలో వైరల్ అవుతోంది. మీరు కూడా వినేసేయండీ.. !