రాజమౌళి కరోనా సాయం డబ్బులు ఇవ్వడం లేదు.. కానీ !

టాలీవుడ్ ప్రముఖులంతా తమవంతుగా కరోనా సాయం ప్రకటిస్తున్నారు. కేంద్రం, రెండు తెలుగు రాష్ట్ర ప్రభుత్వాలకి కరోనా సాయం చేయడంతో పాటు.. సినీ కార్మికులని ఆదుకోవడానికి ఏర్పాటు చేయబడిన ‘సి.సి.సి మీకోసం’ సంస్థని విరాళాలు అందిస్తున్నారు. మెగాస్టార్ చిరంజీవి, నాగార్జున, దగ్గుపాటి ఫ్యామిలీ, మహేష్, ఎన్టీఆర్, చరణ్, నితిన్, రవితేజ.. ఇలా అందరూ గొప్ప మనసుని చూపిస్తున్నారు.

అయితే దర్శకధీరుడు రాజమౌళి మాత్రం ఇప్పటి వరకు కరోనా సాయం ప్రకటించలేదు. అంతేకాదు.. డబ్బులు ఇవ్వాలనుకోవడం లేదని తేల్చి చెప్పారు. వాటికి బదులుగా కఠిన సమయాన విధులు నిర్వహిస్తున్న పోలీసులు, స్వచ్చ కార్మికులు, వైద్యుల కోసం ప్రొటెక్టీవ్ కిట్లను అందించనున్నట్లు తెలిపాడు. ఇవి చాలా ఖరీదైనవి, ఒక్కసారి ఉపయోగిస్తే మళ్ళీ వేసుకోకూడదని, అందుకే ఈ కష్ట సమయంలో నాణ్యమైన సూట్లను అందించనున్నట్లు జక్కన్న తెలిపాడు.

ఇక రామ్ చరణ్ పుట్టినరోజు కానుకగా ఆర్ ఆర్ ఆర్ నుంచి ‘భీఫ్ ఫర్ రామరాజు’ టీజర్ వచ్చిన సంగతి తెలిసిందే. ఎన్ టీఆర్ పుట్టినరోజు కానుకగా మే 20న రామరాజు ఫర్ భీమ్ రాబోతుందని ఆర్ ఆర్ ఆర్ అభిమానులు ఆశగా ఎదురు చూస్తున్నారు. ఈలోగా ఇంకెమైనా ప్లాన్ చేశారా ? అన్నది తెలియాల్సి ఉంది.