తెలంగాణలో ఒక్కరోజే 75 కరోనా పాజిటివ్ కేసులు
ఏప్రిల్ మొదటి వారంలోనే కరోనా ఫ్రీ తెలంగాణాని చూస్తామని భావించాం. కానీ కరోనా ఫుల్ తెలంగాణని చూడాల్సిన పరిస్థితులు వచ్చేలా కనిపిస్తున్నాయి. ఇక్కడ రోజురోజూకి కరోనా విజృంభిస్తోంది. శుక్రవారం ఒక్క రోజే 75 తెలంగాణ పాజిటివ్ కేసులు నమోదయ్యాయి. దీంతో కరోనా పాజిటివ్ కేసుల సంఖ్య 229కి చేరింది. మరో ఇద్దరు మరణించారు. దీంతో కరోనా మృతుల సంఖ్య 11కి చేరింది.
వాస్తవానికి కరోనా నుంచి తెలంగాణ కోలుకున్నట్టే కనిపించింది. 67గా ఉన్న కరోనా పాజిటివ్ కేసుల్లో ఓ 11మందికోలుకున్నారు. రోజుకో 10మంది చొప్పున కోలుకొనేటట్లుకనిపించారు. ఇంతలో ఢిల్లీ నిజాముద్దీన్ సమావేశంలో పాల్గొన్నవారికి కరోనా పాజిటివ్ రావడంతో పరిస్థితి తారుమారయింది. ప్రతిరోజు భారీగా కరోనా పాజిటివ్ కేసులు పెరుగుతున్నాయి. ఈ నేపథ్యంలో మరిన్ని కఠిన చర్యలకి తెలంగాణ ప్రభుత్వం రెడీ అవుతున్నట్టు తెలుస్తోంది.
