అలియా రోజుకో అరకోటి

బాలీవుడ్ బ్యూటీ అలియా భట్ ‘రౌద్రం రణం రుధిరం’ (ఆర్ఆర్ఆర్)తో తెలుగు తెరకు పరిచయం అవుతున్న సంగతి తెలిసిందే. ఇందులో రామ్ చరణ్ అల్లూరి సీతారామారాజుగా కనిపించనున్నాడు. ఆయనకి జంటగా అలియా సీత పాత్రలో కనిపించనుంది. ఈ సినిమా కోసం అలియా తీసుకున్న పారితోషికం ఆశ్చార్యానికి గురిచేస్తోంది.

ఆర్ఆర్ఆర్ కోసం అలియా 10 రోజుల కాల్షీట్స్ ను కేటాయించిందట. ఈ 10 రోజులకి  పారితోషికంగా ఆమె 5 కోట్లు అందుకోనున్నట్టు  సమాచారం. అంటే రోజుకి 50 లక్షల రూపాయలను చార్జ్ చేస్తుందన్న మాట. తెలుగు సినిమాకి  ఈ స్థాయి పారితోషికాన్ని అందుకున్న హీరోయిన్  అలియానే. వచ్చే యేడాది జనవరి 8న ఆర్ఆర్ఆర్ ప్రేక్షకుల ముందుకు రానుంది.