‘ఒరేయ్ బుజ్జిగా’ ఓటీటీ రిలీజ్.. ఓ గాసిప్ !
విజయ్ కుమార్ కొండా దర్శకత్వంలో రాజ్‌ తరుణ్‌, మాళవిక నాయర్‌, హెబ్బా పటేల్‌ జంటగా నటించిన చిత్రం ‘ఓరేయ్ బుజ్జిగా’. కరోనా ఎఫెక్ట్ గట్టిగా పడిన తెలుగు చిత్రాల్లో ఇదొకటి. గత నెలలో ఈ సినిమా విడుదలవ్వాల్సింది. కరోనా ఎఫెక్ట్ తో వాయిదా పడింది. కొత్త రిలీజ్ డేటు ఇంకా ఫిక్స్ కాలేదు. ఇంతలో ‘ఓరేయ్ బుజ్జిగా’ ఆన్ లైన్ లో రిలీజ్ కానుంది. ఓటీటీలో పెట్టనున్నారనే ప్రచారం జరుగుతోంది.
తాజాగా ఈ ప్రచారంపై ఒరేయ్ బుజ్జిగా చిత్రబృందం స్పందించింది. ” ‘ఒరేయ్ బుజ్జిగా’ సినిమా విడుదల గురించి వస్తోన్న వదంతులను నమ్మకండి. ప్రస్తుతం ఉన్న పరిస్థితులన్ని చక్కబడిన తర్వాత సినిమా విడుదలకు సంబంధించిన తేదీని మేమే అధికారికంగా ప్రకటిస్తాం. అప్పటివరకూ ఇంట్లోనే ఉండండి. జాగ్రత్తలు పాటించండి’ అని చిత్రబృందం పేర్కొంది.
