సినీ కార్మికులకి బ్రహ్మీ విరాళం.. ఎంతంటే ?

కరోనా ప్రభావంతో పనిలేకుండా పోయిన సినీ కార్మికులకి సినీతారలు అండగా నిలుస్తున్నారు. మెగాస్టార్ చిరంజీవి ఆధ్వర్యంలో ఏర్పడిన (కరోనా క్రైసెస్ చారిటీ) సిసిసి కోసం భారీగా విరాళాలు అందించి గొప్ప మనసు చాటుకొంటున్నారు. ఇప్పటికే స్టార్ హీరోలు, చిన్నా చితకా నటీనటులు సిసిసి కోసం విరాళాలు అందజేశారు.

తాజాగా టాప్ కమెడియన్ బ్రహ్మానందం తనవంతు సాయంగా సిసిసి కోసం రూ. 3లక్షల విరాళం అందజేశారు. ఇక ఇప్పటికే అందిన విరాళాలతో సిసిసి సంస్థ భారీ ఎత్తున నిత్యవసర సరుకులని కొనుగోలు చేసింది. వాటిని సినీ కార్మికులని అందజేయడానికి ఏర్పాట్లు జరుగుతున్నాయి. నేరుగా సినీ కార్మికుల ఇంటికి వెళ్లి వాటిని అందజేయనున్నారు.