తారక్’కి మరో కథ కావాలట

యంగ్ టైగర్ ఎన్టీఆర్ ప్రస్తుతం ‘ఆర్ఆర్ఆర్’తో బిజీగా ఉన్నారు. ఈ సినిమా తర్వాత త్రివిక్రమ్ దర్శకత్వంలో తారక్ సినిమా ఉండనుంది. ఇప్పటికే ఈ సినిమాపై అధికారిక ప్రకటన వచ్చేసింది. ఈ సినిమాని పాన్ ఇండియా సినిమాగా తీసుకురానున్నారని సమాచారమ్. అంతేకాదు.. ప్రస్తుతం తారక్ కథలు వింటున్నారు. ఆర్ఆర్ఆర్ తర్వాత వీలైన వరుసగా పాన్ ఇండియా సినిమాలు చేయాలని భావిస్తున్న తారక్.. ఆ కథల కోసం వెతుకుతున్నారు.

కరోనా ప్రభావంతో దేశంలో లాక్‌డౌన్‌ కొనసాగుతోంది. దీంతో సినిమా షూటింగ్స్ వాయిదాపడ్డాయ్. దీంతో సినీతారలు ఇంటికే పరిమితం అయ్యారు. ఈ ఖాళీ సమయాన్ని కుటుంబ సభ్యులతో గడుపుతున్నారు. నచ్చిన పని చేసుకుంటున్నారు. తారక్ మాత్రం కొద్దిసమయాన్ని కథల వినడానికి కేటాయిస్తున్నారంట. ఏదైనా అద్భుతమైన కథ అనిపిస్తే.. ఓకే చెబుదామనే ఆలోచనలో తారక్ ఉన్నట్టు తెలుస్తోంది.

ఆర్ఆర్ఆర్ లో తారక్ కొమరం భీమ్ పాత్రలో కనిపించనున్నారు. ఆయనకి జంటగా హాలీవుడ్ హీరోయిన్ ఓలివియా మోరీస్ నటిస్తోంది. మే 20 తారక్ పుట్టినరోజు కానుకగా రామరాజు ఫర్ భీమ్ రాబోతుంది. ఇందుకోసం నందమూరి అభిమానులు ఆతృతగా ఎదురుచూస్తున్నారు. వచ్చే యేడాది జనవరి 8న ఆర్ ఆర్ ఆర్ ప్రేక్షకుల ముందుకు రానుంది.