సినీ కార్మికులకురాజమౌళి విరాళం

కరోనా విజృంభిస్తున్న కఠిన సమయాన సినీ కార్మికులని ఆదుకోవడానికి మెగాస్టార్ చిరంజీవి ఆధ్వర్యంలో కరోనా క్రైసిస్‌ ఛారిటీ (సీసీసీ) ఏర్పాటైన సంగతి తెలిసిందే. ఈ సంస్థకి సినీతారల నుంచి భారీగా విరాళాలు వచ్చాయి. వస్తున్నాయి. తాజాగా దర్శకధీరుడు రాజమౌళి సినీ కార్మికుల కోసం రూ.10 లక్షలు విరాళంగా ప్రకటించారు. నిర్మాత డివివి దానయ్య కలిసి జక్కన్న ఈ సాయం చేశారు.

ఎన్టీఆర్, రామ్ చరణ్ కథానాయకులుగా రాజమౌళి తెరకెక్కిస్తున్న మల్టీస్టారర్ ‘ఆర్ఆర్ఆర్’ షూటింగ్ సైతం కరోనా ఎఫెక్ట్ తో ఆగిపోయింది. ఈ యేడాది జులై 30నే రావాల్సిన ఆర్ ఆర్ ఆర్ షూటింగ్ లో జాప్యం కారణంగా వచ్చే యేడాది జనవరి 8కి వాయిదాపడిన సంగతి తెలిసిందే. ఇప్పుడు కరోనా ఎఫెక్ట్ తో ఆర్ ఆర్ ఆర్ మరోసారి వాయిదా పదే అవకాశాలున్నాయని చెప్పుకొంటున్నారు. అయితే ఆ ఛాన్స్ నే లేదు. వచ్చే యేడాది జనవరి 8 ఆర్ ఆర్ ఆర్ రిలీజ్ ఉంటుందని నిర్మాత డివివి దానయ్య ధీమా వ్యక్తం చేస్తున్నారు.