వర్మకు కేటీఆర్ అదిరిపోయే పంచ్
దర్శకుడు రామ్ గోపాల్ వర్మ తీరు తెలిసిందే. ఆయన పంచ్ లు, సటైర్ల పవర్ గురించి తెలిసిందే. కానీ ఆయనపై ఫర్ ఫెక్ట్ పంచ్ లేసే మొనగాడు ఇన్నాళ్లు కనిపించలేదు. మొట్టమొదటి సారి వర్మకు దిమ్మతిరిగే పంచుపడింది. అది వేసింది ఎవరో కాదు. తెలంగాణ మంత్రి కేటీఆర్.
మద్యంలేక జనం పిచ్చెక్కిపోతున్నారు. జట్టు పీక్కుంటున్నారు. అందుకే వెస్ట్‌ బెంగాల్‌ మాదిరిగా మద్యం డోర్ డెలివరీ చేయడంపై ఆలోచించాలని వర్మ కోరారు. అయితే దీనిపై స్పందించిన కేటీఆర్.. ‘రాముగారూ.. హెయిర్‌ కట్‌ గురించే కదా మీరు అడిగేదంటూ’ చమత్కరించారు. ఈ సరదా సంభాషణ ఇప్పుడు నెట్టింట్లో చక్కర్లు కొడుతోంది. వర్మ స్థాయిలోకి వెళ్లి.. ఆయనపైనే సటైర్స్ వేయడం కేటీఆర్ కే చెల్లిందనే నెటిజన్స్ నవ్వుకుంటున్నారు.
