రేపటి నుంచి బుల్లితెరపై సందడి చేయనున్న ఎన్టీఆర్

యంగ్ టైగర్ ఎన్టీఆర్ రేపటి నుంచి మరోసారి బుల్లితెరపై సందడి చేయబోతున్నారు. కరోనా ఎఫెక్ట్ తో ఇంటికే పరిమితమైన తారక్ ఏదైనా బుల్లితెరపై ఏదైనా కొత్త ప్రయోగం చేస్తున్నాడా ? అనుకోకండీ ! తెలుగు బిగ్ బాస్ సీజన్ 1 కోసం ఎన్టీఆర్ హోస్ట్ గా వ్యవహరించిన సంగతి తెలిసిందే. తెలుగు బిగ్ బాస్ ని తీసుకెళ్లి ఓ రేంజ్ లో నిలబెట్టారు. ఆ తర్వాత దానిని సీజన్ 2లో నాని, సీజన్ 3లో నాగార్జున నిలబెట్టే ప్రయత్నం చేశారు.

ఇక కరోనా ప్రభావంతో సినిమా, సీరియల్స్ షూటింగ్స్ రద్దయిన నేపథ్యంలో పాత కార్యక్రమాలని కొత్తగా ప్రసారం చేస్తున్న సంగతి తెలిసిందే. ఈ క్రమంలో బిగ్ బాస్ 3ని మరోసారి టెలికాస్ట్ చేస్తున్నారు. ఇప్పుడు బిగ్ బాస్ సీజన్ 1 కి కూడా రీ టెలికాస్ట్ చేయబోతున్నారు. రేపటి నుంచే బుల్లితెరపై బిగ్ బాస్ 1 ప్రసారం కానుంది. ఈ విషయాన్ని తెలియజేస్తూ.. స్టార్ మా ఓ పోస్టర్ ని రిలీజ్ చేసింది.