‘ఎఫ్ 3’లో మరో స్టార్ హీరోపై అనిల్ క్లారిటీ !

‘ఎఫ్ 2’.. తెలుగు ప్రేక్షకులని ఫిదా చేసిన సినిమా. అనిల్ రావిపూడి దర్శకత్వంలో విక్టరీ వెంకటేష్, వరుణ్ తేజ్ మల్టీస్టారర్ గా వచ్చింది. తమన్నా, మెహ్రీన్ కథానాయికలు. 2019 సంక్రాంతి కానుకగా ప్రేక్షకుల ముందుకొచ్చిన ఎఫ్ 2 బ్లాక్ బస్టర్ హిట్ అయింది. అసలు సిసలు సంక్రాంతి సినిమా అనిపించుకుంది. అత్యధిక లాభాలు తీసుకొచ్చిన తెలుగు సినిమాగా నిలిచింది. 

ఆ సమయంలో ఎఫ్ 2 సీక్వెల్ గా ఎఫ్ 3 ఉంటుందని తెలిపాడు అనిల్ రావిపూడి. ఇక అప్పటి నుంచి ఎఫ్ 3లో మరో స్టార్ హీరో ఉండనున్నాడు. అది సూపర్ స్టార్ మహెష్ బాబు, కాదు కాదు.. మాస్ మహారాజా రవితేజ అనే ప్రచారం జరిగింది. తాజాగా ఎఫ్ 3పై అనిల్ క్లారిటీ ఇచ్చారు. అసలు ఎఫ్ 3.. ఎఫ్ 2 సీక్వెల్ కాదని తెలిపాడు. అంతేకాదు.. ఎఫ్ 3లోనూ ఎఫ్ 2 జంటలు వెంకీ-తమన్నా, వరుణ్ తేజ్-మెహ్రీన్ కనిపిస్తారని.. ప్రస్తుతం స్క్రిప్ట్ పనులు జరుగుతున్నాయని తెలిపారు.