చిరు, పవన్.. ఇద్దరికీ ఒకే హీరోయిన్ !
మెగాస్టార్ చిరంజీవి, పవర్ స్టార్ పవన్ కల్యాణ్.. ఇద్దరూ ఒకే హీరోయిన్ ని వాడుకోవాలని ఫిక్సయినట్టు సమాచారమ్. కొరటాల శివ దర్శకత్వంలో చిరంజీవి నటిస్తున్న ‘ఆచార్య’ సినిమా కోసం ముందుగా త్రిషని తీసుకున్నారు. ఆమె సడెన్ గా తప్పుకోవడంతో.. కాజల్ ని తీసుకున్నారు. ఇక హరీష్ శంకర్ దర్శకత్వంలో పవన్ కల్యాణ్ నటించనున్న సినిమా కోసం చాలామంది హీరోయిన్స్ పేరే వెలుగులోనికి వచ్చాయ్. అయితే ఫైనల్ గా కాజల్ ని ఫైనల్ చేసినట్టు తెలుస్తోంది.
ప్లాపుల్లో ఉన్న పవన్ కల్యాణ్ ని తిరిగి నిలబెట్టిన దర్శకుడు హరీష్ శంకర్. వీరి కాంబోలో వచ్చిన గబ్బర్ సింగ్ ఇండస్ట్రీ రికార్డ్ గా నిలిచింది. చాన్నాళ్ల తర్వాత వీరి కాంబోలో మరో సినిమా వస్తుండటంతో ప్రేక్షకుల్లో భారీ అంచనాలున్నాయ్. ప్రస్తుతం పవన్ వకీల్ సాబ్ తో పాటు, క్రిష్ దర్శకత్వంలో ఓ సినిమా చేస్తున్నారు. ఈ రెండు పూర్తయిన తర్వాత హరీష్ శంకర్ సినిమా ఉండనుంది.
