‘ఆచార్య’ హైలైట్స్ చెప్పేసిన మెగాస్టార్

మెగాస్టార్ చిరంజీవి ఈజీగా బయపడపడిపోతారు. ఆయన ఉత్కంఠని భరించలేరు. సంతోషాన్ని ఆపుకోలేరు. కొరటాల శివ దర్శకత్వంలో చిరు 152వ చిత్రంగా ‘ఆచార్య’ తెరకెక్కుతోన్న సంగతి తెలిసిందే. ఈ సినిమా టైటైల్ ఏంటీ ? అని మెగా అభిమానులు ఉత్కంఠగా ఎదురు చూస్తున్నవేళ.. ఓ సినిమా ఫంక్షన్ కి వెళ్లిన చిరు టైటిల్ ని లీక్ చేశారు. ఆ వెంటనే నాలుక కరచుకొన్నారు. ఇప్పుడు ఏకంగా ఆచార్య సినిమాలోని హైలైట్స్ ని కూడా చెప్పేశారు.

తాజాగా మెగాస్టార్  ఓ ఆంగ్ల దినపత్రికకి ప్రత్యేక ఇంటర్వ్యూ ఇచ్చారు. ఈ సందర్భంగా ‘ఆచార్య’ కథని క్షుప్తంగా చెప్పేశారు. “ఇది ఒక పొలిటికల్ థ్రిల్లర్. ప్రకృతి వనరులను కాపాడుకోవడం కోసం ఒక వ్యక్తి చేసే పోరాటంగా సాగుతుంది. ఇందులో దేవాలయ భూముల ఆక్రమణకి సంబంధించిన అంశం కూడా ఉంటుంది. మణిశర్మ సంగీతం ఈ సినిమాకి ప్రత్యేక ఆకర్షణగా నిలవనుంది” అని చెప్పుకొచ్చారు.

ఇక ఈ చిత్రంలో చిరుకి జంటగా కాజల్ నటించనుంది. ఓ ప్రత్యేకమైన పాత్రలో రామ్ చరణ్ కనిపించనున్నారు. ఆయన నక్సలైట్ పాత్ర అని చెబుతున్నారు. ఈ చిత్రానికి మణిశర్మ సంగీతం అందిస్తున్నారు. కొణిదెల ప్రొడక్షన్స్, మాట్నీ ఎంటెర్టైన్మెట్స్ సంయుక్తంగా నిర్మిస్తున్నాయి.