బాలయ్య కోసం కొత్త పిట్టలు
అసలు బాలయ్యకి ఎలాంటి బాధల్లేవ్ అంటున్నారు దర్శకుడు బోయపాటి శ్రీను. హీరోయిన్స్ దొరక్క బాలయ్య బాధపడుతున్నారని కొన్నాళ్లుగా ప్రచారం జరుగుతున్న సంగతి తెలిసిందే. శ్రియ, అంజలి లాంటి ముదురు హీరోయిన్స్ పేర్లు బాలయ్య-బోయపాటి హ్యాట్రిక్ సినిమా కోసం వినిపించాయి. అయితే వాటిలో నిజం లేదు. బాలయ్య కోసం ఇద్దరు కొత్త హీరోయిన్స్ ని తీసుకున్నాం. వీరిలో ఒకరి పేరుని సమయం చూసి ప్రకటిస్తాం అన్నారు.
బాలయ్య-బోయపాటి కాంబోలో వచ్చిన సింహా, లెజెండ్ సినిమాలు బ్లాక్ బస్టర్ హిట్ అయ్యాయ్. ఈ నేపథ్యంలోనే వీరి హ్యాట్రిక్ సినిమాపై ప్రేక్షకుల్లో భారీ అంచనాలున్నాయి. ముందుగా బాలయ్య కోసం ఓ పొలిటికల్ బ్యాడ్ డ్రాప్ సినిమా అనుకొన్నా.. ఆ తర్వాత మాస్ ఎంటర్ టైనర్ కథని రెడీ చేశాడట బోయపాటి. ఈ సారి భారీ యాక్షన్ కంటే పవర్ ఫుల్ డైలాగులపైనే ఎక్కువ ఫోకస్ పెట్టాడట బోయపాటి. వాటిని బాలయ్య నోటి నుంచి వినాలని నందమూరి అభిమానులు ఆతృతగా ఎదురు చూస్తున్నారు.
