కరోనా క్రైసిస్.. కాజల్ విరాళం ఎంతంటే ?

కరోనా లాక్‌డౌన్ నేపథ్యంలో సినీ కార్మికులకి ఉపాధి లేకుండా పోయింది. ఇలాంటి కఠిన సమయంలో వారిని ఆదుకునేందుకు మెగాస్టార్ చిరంజీవి ముందుకొచ్చిన సంగతి తెలిసిందే. ఆయన ఆధ్వర్యంలో సినీ కార్మికులని ఆడుకోవడానికి ‘కరోనా క్రైసిస్ ఛారిటీ’ (సిసిసి) ఏర్పాటైంది. ఈ సంస్థకి స్టార్ హీరోల నుంచి చిన్నా చితకా నటులు విరాళాలు అందజేశారు.

అయితే హీరోయిన్స్ మాత్రం లావణ్య త్రిపాఠి ఒక్కరే సాయం చేశారు. దీనిపై తీవ్ర విమర్శలొచ్చాయ్. హీరోయిన్స్ సాయం చేయరా ? అంటూ నటుడు బ్రహ్మాజీ ప్రశ్నించారు. మెగాస్టార్ చిరంజీవి కూడా సాయం చేయాల్సిందిగా పలువురు హీరోయిన్స్ కి ఫోన్ చేశారు. దాని ఫలితంగా తాజాగా హీరోయిన్ కాజల్ సిసిసి కోసం రూ. 2లక్షల విరాళం అందజేశారు. ఈ విషయాన్ని ఆమె మేనేజర్ మీడియాకు తెలిపారు. మరీ.. కాజల్ దారిలో మిగితా హీరోయిన్స్ ఎప్పుడు సాయం చేస్తారు ? అన్నది చూడాలి.

ప్రస్తుతం కాజల్ భారతీయుడు 2, ఆచార్య సినిమాల్లో నటిస్తోంది. ఈ రెండు సినిమాలు కరోనా ఎఫెక్ట్ తో వాయిదా పడ్డాయి. కరోనా ప్రభావం తగ్గాక.. తిరిగి షూటింగ్ ప్రారంభం కానున్నాయి.