భారీగా తగ్గిన బంగారం ధర

ఓ వైపు స్టార్ మార్కెట్లు కుదేలు అవుతుంటే… మరోవైపు బంగారం ధర పైపైకి పోతుంది. కరోనా వైర‌స్‌ విజృంభిస్తుండటం, స్టాక్‌మార్కెట్ల కుదేలుతో గత కొద్దిరోజులుగా బంగారం ధరలు రికార్డు స్థాయికి చేరుకున్నాయి. గత సెషన్‌ లో 10 గ్రాముల బంగారం  ఏకంగా రూ 47,327కి చేరి సరికొత్త శిఖరాలను తాకింది. అయితే ఈరోజు ఈక్విటీ మార్కెట్లు కోలుకోవడంతో బంగారం ధర భారీగా పడిపోయింది.

పదిగ్రాముల బంగారం ఏకంగా రూ 1,396 తగ్గి రూ 45,862 పలికింది.  మరోపక్క కిలో వెండి రూ. 1,342 త‌గ్గి రూ. 42,913కి చేరింది. ఇక భారత్‌లో మే 3వరకూ లాక్‌డౌన్‌ పొడిగించిన నేపథ్యంలో బంగారం రిటైల్‌ విక్రయాలు పడిపోవడం వలన కూడా ఈ ధరలు కొంతమేర దిగివచ్చాయని అంచనా వేస్తున్నారు.