500 దాటిన కరోనా మృతుల సంఖ్య

దేశంలో కరోనా విజృంభిస్తోంది. ప్రతిరోజూ వెయ్యికి పైగా కరోనా కొత్త కేసులు నమోదవుతున్నాయి. గడచిన 24 గంటల్లో దేశవ్యాప్తంగా 1,334 కరోనా పాజిటివ్ కేసులు నమోదయ్యాయి. 27 మంది మృతి చెందినట్టు కేంద్ర ఆరోగ్య శాఖ తెలిపింది. దీంతో కరోనా పాజిటివ్ కేసుల సంఖ్య 15,712కు చేరింది. కరోనా మృతుల సంఖ్య 507కి చేరింది. 2,231 మంది కరోనా నుంచి కోలుకున్నారు.

గత 14 రోజులుగా దేశంలోని 43 జిల్లాల్లో ఒక్క కరోనా కేసు కూడా నమోదు కాలేదని కేంద్ర ఆరోగ్యశాఖ తెలిపింది. గత 24 గంటల్లో దేశవ్యాప్తంగా 37,000 కరోనా టెస్ట్‌లు చేశామని, ఇప్పటివరకూ 3.86 లక్షల మందికి దేశవ్యాప్తంగా కరోనా టెస్టులు చేసినట్లు కేంద్ర ఆరోగ్య శాఖ సంయుక్త కార్యదర్శి లవ్ అగర్వాల్ తెలిపారు.