కాజల్ కరోనా సాయం రూ. 6లక్షలు

కరోనా లాక్‌డౌన్  నేపథ్యంలో సినీ తారలు పెద్ద మనసు చాటుకుంటున్నారు. కరోనా కట్టడి కోసం కేంద్ర, రాష్ట్ర ప్రభుత్వాలని ఆదుకునేందుకు తమవంతుగా ఆర్థికసాయం చేస్తున్నారు. మరోవైపు, సినీ కార్మికులని ఆదుకునేందుకు విరాళాలు ఇస్తున్నారు. స్టార్ హీరోయిన్ కాజల్ ఇప్పటికే తెలుగు సినీ కార్మికుల కోసం రూ.2లక్షల విరాళం ప్రకటించిన సంగతి తెలిందే.
 
తాజాగా దక్షిణ భారత సినీ సమాఖ్య (ఫెఫ్సీ)కు రూ.2 లక్షలు సాయం అందించారు కాజల్. అలాగే.. ప్రధానమంత్రి సహయనిధికి లక్ష రూపాయలను, మహారాష్ట్ర ముఖ్యమంత్రి సహాయ నిధికి మరో లక్ష రూపాయలను అందించారు. మొత్తంగా కాజల్ తనవంతుగా రూ. 6లక్షల కరోనా సాయం చేశారు. ఆర్థికసాయం ఒక్కటే కాదు.. పేదల ఆకలిని కూడా తీరుస్తోంది చందమామ. ముంబైలో కాజల్ నివసిస్తున్న ప్రాంతంలోని ప్రజలకు నిత్యం అన్నదానం చేస్తున్నారు. పేదల ప్రజల ఆకలి మాత్రమే కాదు మూగజీవుల ఆకలి కూడా తీరుస్తున్నారు. పెటాతో కలిసి మూగజీవులకు ఆహారాన్ని సమకూర్చుతున్నారు.

ఇక సినిమాల విషయానికొస్తే ప్రస్తుతం కాజల్ భారతీయుడు 2, ఆచార్య సినిమాల్లో నటిస్తున్నారు.