తారక్, చరణ్’లకి షాక్ ఇచ్చిన రాజమౌళి
ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి తెరకెక్కిస్తున్న మల్టీస్టారర్ ‘ఆర్ఆర్ఆర్’. బాహుబలి తర్వాత రాజమౌళి చేస్తున్న చిత్రమిది. దీంతో ఆర్ఆర్ఆర్ కోసం ప్రపంచ వ్యాప్తంగా ప్రేక్షకులు ఆసక్తిగా ఎదురు చూస్తున్నారు. ప్రస్తుతం కరోనా లాక్ డౌన్ నేపథ్యంలో ఇంటికే పరిమితమైన రాజమౌళి.. ఓ టీవీ ఛానెల్ కి ఇంటర్వ్యూ ఇచ్చారు.
ఈ సందర్భంగా ఆర్ ఆర్ ఆర్ గురించి ఆసక్తికర విషయాలు చెప్పారు. ఫస్ట్ సిట్టింగ్ లోనే తారక్, చరణ్ లకి రాజమౌళి షాక్ ఇచ్చారట. వీరిద్దరికి రాజమౌళి ఇంట్లోని ఆర్ ఆర్ ఆర్ కథని చెప్పాడట. అయితే తారక్ వస్తున్నాడనే విషయం చరణ్ కి తెలీదు. చరణ్ వస్తున్నాడన్న సంగతి తారక్ కి తెలియదట. వచ్చాక ఒకరినొకరు చూసుకొని షాక్ తిన్నారట.
ఇక అందరు అనుకుంటున్నట్టు ఆర్ ఆర్ ఆర్ దేశభక్తి నేపథ్యంలో సాగే సినిమా కాదని జక్కన్న తెలిపారు. ఫ్రెండ్ షిప్ నేపథ్యంలో ఈ సినిమా తెరకెక్కుతోందని చెప్పారు. ఇందులో కొమరం భీమ్ గా తారక్, ఆయనకి జంటగా హాలీవుడ్ హీరోయిన్ ఓలివియో మోరీస్ నటించనుంది. అల్లూరి సీతారామరాజుగా చరణ్, ఆయనకి జంటగా బాలీవుడ్ బ్యూటీ అలియా భట్ నటిస్తున్నారు. ఇక ఆర్ ఆర్ ఆర్ తర్వాత మహేష్ బాబుతో రాజమౌళి సినిమా ఉండనుంది.
