‘రామరాజు ఫర్ భీమ్’ డౌటే !

మెగా పవర్ స్టార్ రామ్ చరణ్ బర్త్ డే కానుకగా ‘ఆర్ఆర్ఆర్’ నుంచి ‘భీమ్ ఫర్ రామరాజు’ ప్రోమో వచ్చిన సంగతి తెలిసిందే. అది అదిరిపోయింది. ‘ఆర్ఆర్ఆర్’ రేంజ్ ని గుర్తుచేసింది. ఎన్టీఆర్ వాయిస్ ఓవర్ తో రామ్ చరణ్ యాక్షన్ వచ్చిన భీమ్ ఫర్ రామరాజుని ఆర్ ఆర్ ఆర్ అభిమానులు ఎంజాయ్ చేశారు.

ఇక ఎన్టీఆర్ బర్త్ డే కానుకగా మే 20న రామరాజు ఫర్ భీమ్ రానుంది. ఆర్ ఆర్ ఆర్ లో తారక్ పాత్రని పవర్ ఫుల్ గా ప్రజెంట్ చేయనున్నారని అభిమానులు ఆశగా ఎదురు చూస్తున్నారు. అయితే వారి ఆశలపై రాజమౌళి నీళ్లు చల్లారు. రామరాజు ఫర్ భీమ్ రావడం కష్టమే అన్నారు. ఓ టీవీ ఛానెల్ కి ఇచ్చిన ఇంటర్వ్యూలో రాజమౌళి ఆర్ఆర్ఆర్ విశేషాలని పంచుకున్నారు. 

కొన్ని రోజుల క్రితం రామ్ చరణ్ పుట్టినరోజు సందర్భంగా ‘భీమ్ ఫర్ రామరాజు’ మోషన్ టీజర్ విడుదల చేశాం. కానీ తారక్ పుట్టినరోజు కానుకగా రామరాజు ఫర్ భీమ్ మోషన్ టీజర్ ని విడుదల చేస్తామో లేదో తెలీదు అన్నారు. లాక్ డౌన్ ను బట్టి టీజర్ విషయంలో నిర్ణయం తీసుకుంటామని జక్కన్న తెలిపారు.

ఇక అందరు అనుకుంటున్నట్టు ఆర్ ఆర్ ఆర్ దేశభక్తి నేపథ్యంలో సాగే సినిమా కాదని జక్కన్న తెలిపారు. ఫ్రెండ్ షిప్ నేపథ్యంలో ఈ సినిమా తెరకెక్కుతోందని చెప్పారు. ఇందులో కొమరం భీమ్ గా తారక్, ఆయనకి జంటగా హాలీవుడ్ హీరోయిన్  ఓలివియో మోరీస్ నటించనుంది. అల్లూరి సీతారామరాజుగా చరణ్, ఆయనకి జంటగా బాలీవుడ్ బ్యూటీ అలియా భట్ నటిస్తున్నారు. దాదాపు రూ. 400కోట్ల బడ్జెట్ డివివి దానయ్య నిర్మిస్తున్నారు.