కరోనాపై సల్మాన్ పాట.. విన్నారా ?
కరోనా వైరస్ కట్టడిపై ప్రజల్లో అవగాహన కల్పించే ప్రయత్నం చేస్తున్నారు సినీ ప్రముఖులు. ఈ క్రమంలో ఇప్పటికే పలు వీడియో మెసేజ్ లు, పాటలు వచ్చేశాయ్. వీటిలో కొన్ని వైరల్ అయ్యాయి. తాజగా బాలీవుడ్ కండల వీరుడు సల్మాన్ ఖాన్ కరోనాపై పాట పాడారు. ‘ప్యార్ కరోనా.. ‘ అంటూ సాగే ఈ సాంగ్ ఆకట్టుకుంటోంది. రచయిత హుస్సేన్ దలాల్ తో కలిసి సల్మాన్ ఈ పాటకు సాహిత్యం రాశారు. సాజిద్ వాజిద్ ట్యూన్స్ అందించారు.
సల్మాన్ ఖాన్ సొంతంగా యూట్యూబ్ ఛానెల్ ని ప్రారంభించారు. ఈ చానెల్ ద్వారానే సల్మాన్ కరోనా సాంగ్ ని విడుదల చేశారు. దీనికి ‘మానసికంగా దగ్గరగా ఉండండి, శారీరకంగా దూరంగా ఉండండి’ అని క్యాప్షన్ ఇచ్చారు. ఈ ట్యూన్ తో ఓ పాట చేయాలని నా మైండ్ లో ఎప్పటి నుంచో ఉంది. కరోనా అనే పదం వల్ల పాట లిరిక్స్ చక్కగా వచ్చాయి. ఐదు నిమిషాల్లో పాట లిరిక్స్ ను సిద్ధం చేసేశాం. నేను ఈ ప్రపంచానికి ఏం చెప్పాలనుకున్నానో అదంతా ఈ పాట రూపంలో చెప్పా అన్నారు సల్మాన్ భాయ్.
