ఏపీలో వెయ్యి దాటిన కరోనా కేసులు

ఏపీలో కరోనా విజృంభిస్తోంది. ప్రతిరోజూ పదుల సంఖ్యల కొత్త కేసులు నమోదవుతున్నాయి. గడిచిన 24 గంటల్లో 61 పాజిటివ్‌ కేసులు నమోదయ్యాయని వైద్య ఆరోగ్యశాఖ బులిటెన్‌లో తెలిపింది. దీంతో రాష్ట్ర వ్యాప్తంగా నమోదైన కరోనా కేసుల సంఖ్య 1016కు చేరింది. కరోనాతో ఇవాళ ఇద్దరు మృతి చెందారు. దీంతో మృతుల సంఖ్య 31కి చేరింది.

కర్నూలు, గుంటూరు, కృష్ణా జిల్లాల్లో కరోనా ప్రభావం అధికంగా ఉంది. ఢిల్లీ మర్కజ్ ఘటనతోనే ఏపీలో కరోనా కేసులు ఒక్కసారిగా పెరిగిన సంగతి తెలిసిందే. ఇక ఇప్పటి వరకు 171 మంది కోలుకొన్నారు. డిశ్చార్జ్ అయ్యారు. ప్రస్తుతం 814మంది చికిత్స పొందుతున్నారు. అయితే ప్రతిరోజూ ఏపీలో 50కిపైగా కరోనా కొత్త కేసులు నమోదవుతుండటం ఆందోళన కలిగిస్తోంది.