ఇర్పాన్ ఖాన్ మృతి పట్ల కేటీఆర్ సంతాపం
ప్రముఖ బాలీవుడ్ నటుడు ఇర్ఫాన్ ఖాన్ (54) కన్నుమూశారు. గత కొన్నేళ్లుగా ఇర్ఫాన్ ఖాన్ అరుదైన క్యాన్సర్ తో బాధపడుతున్నారు. గతంలో చికిత్స కూడా చేయించుకున్నారు. కాస్త కోలుకొని ‘అంగ్రేజీ మీడియం’ సినిమాలోనూ నటించారు. అయితే నిన్న మరోసారి తీవ్ర అనారోగ్యానికి గురవడంతో ముంబయిలోని కోకిలాబెన్ ఆసుపత్రికి తరలించారు. అక్కడ చికిత్స పొందుతూ బుధవారం ఉదయం ఇర్ఫాన్ తుదిశ్వాస విడిచారు.
ఇర్పాన్ మృతిపట్ల సినీ, రాజకీయ ప్రముఖులు, అభిమానులు సంతాపం తెలియజేస్తున్నారు. మంత్రి కేటీఆర్, సూపర్ స్టార్ మహేష్ బాబు ఇర్పాన్ మృతి పట్ల సంతాపం తెలిపారు. “ఇర్మాన్ ఖాన్ ఆకస్మిక మృతి గురించి విని షాక్ కి గురయ్యా. మంచి నటుడు. చాలా త్వరగా వెళ్లిపోయారు’ అని కేటీఆర్ ట్విట్ చేశారు.
‘ఇర్ఫాన్ ఖాన్ అకాల మరణం వార్త నన్ను చాలా బాధకి గురి చేసింది. అద్భుతమైన నటుడు చాలా త్వరగా చనిపోయారు. అతని మరణం తీరని లోటు … అతని కుటుంబానికి మరియు ప్రియమైనవారికి నా ప్రగాఢ సానుభూతి తెలియజేస్తున్నా’నని మహేష్ ట్విట్ చేశారు.
Shocked to learn about the sudden demise of #IrfanKhan
A brilliant actor, gone too soon. RIP sir 🙏
— KTR (@KTRTRS) April 29, 2020
