‘మహాసముద్రం’ హీరోలు దొరికారు

తొలి సినిమా ‘ఆర్ఎక్స్100’తో ప్రతిభ ఉన్న దర్శకుడు అనిపించుకున్నా అజయ్ భూపతి. ఆయన రెండో సినిమా కోసం ‘మహాసముద్రం’ అనే కథని రెడీ చేసుకున్నాడు. ఈ కథని పట్టుకొని చాలామంది హీరోల చుట్టూ తిరిగారు. ప్రతి ఒక్కరు కథ బాగుంది అంటున్నారు. కానీ సినిమాని ఫైనల్ చేయలేదు. మహాసముంద్రం కథని ముందుగా ఓకే చేసి.. ఆ తర్వాత డ్రాప్ అయిన వారిలో స్టార్ హీరోల నుంచి యంగ్ హీరోల వరకు ఉన్నారు.

తాజాగా ‘మహాసముద్రం’ కోసం హీరోలు దొరికారు. ఈ మల్టీస్టారర్ కోసం ఇప్పటికే శర్వానంద్ డేట్స్ ఇచ్చేశారు. మరో హీరోగా సిద్ధార్థ్ ని తీసుకున్నారని తెలుస్తోంది. కరోనా ప్రభావం ముగిశాక.. మహాసముద్రం అప్ డేట్ రానుంది. హీరోలు ఓకే. కానీ హీరోయిన్స్ ఎవరు ? అన్నది కూడా తెలియాల్సి ఉంది. వైజాగ్ నేపథ్యంలో వినూత్న కథతో మహాసముద్రం తెరకెక్కనుందని చెబుతున్నారు.