గుడ్ న్యూస్ : వెయ్యి మంది కోలుకున్నారు

దేశంలో కరోనా విజృంభిస్తోంది. అయితే కరోనా నుంచి కోలుకుంటున్న వారి సంఖ్య కూడా పెరుగుతుండటం సంతోషపెట్టే విషయం.
గడిచిన 24గంటల్లో 1,074 మంది కోలుకున్నారని కేంద్ర వైద్యారోగ్యశాఖ ప్రకటించింది. రికవరీ రేటు 27.52 శాతంగా నమోదైందని ఆ శాఖ సంయుక్త కార్యదర్శి లవ్‌ అగర్వాల్‌ వెల్లడించారు.

ఇప్పటి వరకు మొత్తంగా 11,706 మంది కోలుకున్నారని చెప్పారు. గడిచిన 24గంటల్లో కొత్తగా 2,553 కొవిడ్‌-19 కేసులు నమోదయ్యాయ్. దీంతో కరోనా కేసుల సంఖ్య 42,533కు చేరింది. ఇక నేటి నుంచి అమలవుతున్న లాక్‌డౌన్‌-3లో మొత్తం 17రంగాలకి కేంద్రం సడలింపులు ఇచ్చింది. ఆరేంజ్, గ్రీన్ జోన్లలో మద్యం అమ్మకాలకి కూడా అనుమతినిచ్చింది.