పూజాహెగ్డే కరోనా సూచనలు

మహమ్మారి కరోనాపై ప్రజల్లో అవగాహన కల్పించేందుకు సినీతారలు తమవంతు ప్రయత్నం చేస్తున్నారు. వీడియో మెసేజ్ లు అందజేస్తున్నారు. పాటలు పాడుతున్నారు. ట్విట్స్ చేస్తున్నారు. తాజాగా స్టార్ హీరోయిన్ పూజా హెగ్డే ప్రజలకి కరోనా జాగ్రత్తలు చెప్పింది. ఈ మేరకు ఆమె ఓ వీడియో మేసేజ్ ని సోషల్ మీడియాలో పోస్ట్ చేసింది. పూజా తెలుగులో కరోనా సూచనలు చెప్పడం విశేషం.

‘కరోనాను తరిమికొట్టాలంటే ఇంటిపట్టునే ఉండాలి. చేతులకు శానిటైజర్ వాడాలి, బయటకు వెళ్లేటప్పుడు మాస్క్ ధరించాలంటూ’ సూచనలు చేసింది పూజా. కరోనా లాక్ డౌన్ తో సినీ తారలు ఇంటికే పరిమితం అయ్యారు. పూజా కూడా బెంగళూరులోని కుటుంబ సభ్యులతో ఉంటుంది. ప్రస్తుతం పూజా ప్రభాస్ సినిమాతో పాటు అఖిల్ నాల్గో సినిమాలో నటిస్తోంది.