తలసాని చరిత్రని తోడిన జగ్గారెడ్డి

మంత్రి తలసానిపై సంగారెడ్డి కాంగ్రెస్ ఎమ్మెల్యే ఫైర్ అయ్యారు. తలసాని తిన్నింటి వాసాలు లెక్కపెట్టే రకమని విమర్శించారు. శుక్రవారం హైదరాబాద్ గాంధీ భవన్ లో జగ్గారెడ్డి మీడియాతో మాట్లాడారు. తమ నాయకుల జోలికి వస్తే సహించేది లేదని మంత్రి తలసానిని హెచ్చరించారు.

చంద్రబాబు దయతో లీడర్‌ అయి, బాబు దగ్గర మంత్రిగా పని చేసిన తలసాని.. ఆయననే తిట్టిన సందర్భాలు ఉన్నాయని జగ్గారెడ్డి గుర్తు చేశారు. తాను టీఆర్‌ఎస్‌ పార్టీ టికెట్‌పై ఎమ్మెల్యే అయ్యా.. కానీ కేసీఆర్‌ను ఎప్పుడూ తిట్టలేదు. ఆయన విధానాలనే మాత్రమే వ్యతిరేకించానని చెప్పుకొచ్చారు. ఎవరి ఊరికి వాడే పటేల్‌.. మళ్లీ మళ్లీ మాట్లాడితే చాలా చరిత్రే ఉంది. అది బయటపెడతామని జగ్గారెడ్డి హెచ్చరించారు.