‘టిక్ టాక్’లతో అదరగొడుతున్న సీనియర్ హీరోయిన్

సీనియర్ హీరోయిన్ సిమ్రాన్.. దక్షిణాది బాషల్లో టాప్ హీరోయిన్ గా ఓ వెలుగు వెలిగింది. టాలీవుడ్ టాప్ స్టార్స్ చిరంజీవి, నాగ్, వెంకటేష్ లతో ఆడిపాడింది. సూపర్ స్టార్ మహేష్ బాబుకు జోడిగా ‘యువరాజు’ సినిమాలో నటించింది. సిమ్రాన్ మంచి డ్యాన్సర్. ఆమె డ్యాన్సులకి బోలేడు ఫ్యాన్స్ ఉన్నారు. పెళ్లి తర్వాత అడపాదడపా సినిమాలు చేస్తున్న సిమ్రాన్.. ఇప్పుడు టిక్ టాక్ లోకి ఎంట్రీ ఇచ్చేసింది.

తన అకౌంట్‌లో ఎప్పటికప్పుడు వీడియోలను పోస్ట్ చేస్తూ అభిమానులకు చేరువవుతోంది. ప్రస్తుతం తమిళంలో ఆమె ఇస్త్రో సైంటిస్ట్ నంబి నారాయణ్ బయోపిక్ ఆధారంగా తెరకెక్కుతున్న రాకెటరీ మూవీలో మాధవన్‌తో కలిసి నటిస్తోంది. ఈ సినిమాలతో పాటు వంగమూడి, ధృవ నక్షత్రం సినిమాలు చేస్తోంది.