పూరి సినిమాలో వార్నర్ గెస్ట్ రోల్
ఆసీస్ ఆటగాడు డేవిడ్ వార్నర్ టిక్ టాక్ వీడియోస్ తో రెచ్చిపోతున్న సంగతి తెలిసిందే. సౌత్ సినిమా పాటలకి వార్నర్ స్టెప్పులేస్తున్నారు. అది కూడా ఫ్యామిలీ కలిసి ఎంటర్ టైన్ చేస్తున్నారు. ఇప్పటికే క్ష‌త్రియ పుత్రుడు, అల వైకుంఠ‌పుర‌ములో చిత్రంలోని సాంగ్స్‌కి స్టెప్పులేసిన వార్నర్.. తాజాగా టాలీవుడ్ ట్రెండ్ సెట్టర్ ‘పోకిరి’ డైలాగ్ కి యాక్షన్ చేసి చూపించాడు.
‘పోకిరి’లోని ఫేమస్ డైలాగ్ “నేను ఒక్కసారి కమిట్ అయితే నా మాట నేనే వినను” అనే డైలాగ్ కి వార్నర్ యాక్షన్ చేసి చూపించాడు. వార్నర్ తన బ్యాట్‌ని చూపిస్తూ చెప్పిన డైలాగ్ అదిరిపోయింది. ఈ వీడియోని వార్నర్ తన ఇన్‌స్టాగ్రామ్‌లో పోస్ట్ చేసారు. గెస్ ద మూవీ అని నెటిజన్లకు ఛాలెంజ్ కూడా చేశాడు. ఇప్పుడీ వీడియో వైరల్ అవుతోంది. దీనిపై దర్శకుడు పూరి జగన్నాథ్ స్పందించారు.
‘డేవిడ్ ఈ డైలాగ్ మీకు స‌రిగ్గా స‌రిపోతుంది. మీ దూకుడు, ప‌ట్టుద‌ల‌ని చూస్తుంటే ఇది ప‌క్కా సూట‌వుతుంద‌నిపిస్తుంది’ అని పూరి కామెంట్ పెట్టాడు. అంతేకాదు.. గెస్ట్ రోల్ నటించేందుకు సిద్ధమా అంటూ ఆఫర్ కూడా ఇచ్చారు. వార్నర్ కి నటనపై బాగా ఆసక్తి ఉన్నట్టుంది. పూరి ఆఫర్ ని ఆయన ఓకే చేసిన ఆశ్చర్యపోవాల్సిన పనిలేదమో. బహుశా.. పూరి తాజా చిత్రం ఫైటర్ లోనే వార్నర్ గెస్ట్ రోల్ మెరుస్తాడేమో.. !
