‘హైదరాబాద్ టు ఏపీ’ బస్సులు ప్రారంభం

లాక్ డౌన్ కారణంగా వివిధ రాష్ట్రాల్లో ఇరుక్కుపోయిన వలస కూలీలు, ప్రజలు స్వరాష్ట్రాలకి చేరుతున్నారు. దేశ రాజధాని దిల్లీ నుంచి సుమారు 120 మంది నాలుగు బస్సుల్లో గురువారం ఉదయం తెలుగు రాష్ట్రాలకు బయల్దేరారు. ఏపీ, తెలంగాణ భవన్ భద్రతా సిబ్బందితోపాటు ఉభయ రాష్ట్రాల ముఖ్యమంత్రుల అధికారిక నివాసాల వద్ద విధులు నిర్వర్తించే వారంతా ఈ బస్సుల్లో బయల్దేరారు.

ఇక లాక్ డౌన్ తో హైదరాబాద్ లో ఉండిపోయిన రాష్ట్ర ప్రజల కోసం ఏపీఎస్ ఆర్టీసీ నడిపే బస్సులు శనివారం నుంచి ప్రారంభం కానున్నట్లు అధికారులు తెలిపారు. స్పందన పోర్టల్ లో నమోదైన వారికే ప్రయాణ అవకాశం ఇవ్వనున్నారు. ఏసీ, నాన్ ఏసీ బస్సుల్లో ఛార్జీ ఎంత? ఆన్ లైన్ రిజర్వేషన్ ఎన్ని గంటలకు మొదలవుతుందనే విషయాన్ని నేడు ప్రకటించనున్నారు. దాదాపు 130 బస్సులు హైదరాబాద్ నుంచి ఏపీకి వెళ్లనున్నాయి.