మే 31 వరకు లాక్ డౌన్ పొడిగింపు

కరోనా కట్టడి కోసం దేశంలో లాక్‌డౌన్ కొనసాగుతోంది. నేటితో మూడో విడత లాక్‌డౌన్ ముగియనుంది.  ఈ నెలాఖరు వరకు లాక్‌డౌన్ పొడగింపు ఉంటుందని ఇప్పటికే ప్రధాని నరేంద్ర మోడీ సంకేతాలిచ్చిన సంగతి తెలిసిందే. దీని సంబంధించిన అధికారిక ప్రకటన, గైడ్ లైన్స్ ని విడుదల చేయాల్సి ఉంది. అయితే ఈలోపే పలు రాష్ట్రాలు లాక్‌డౌన్ ని పొడగిస్తున్నట్టు ప్రకటించాయి.

తాజాగా ఈ జాబితాలో తమిళనాడు చేరింది. తమిళనాడులో కరోనా పాజిటివ్ కేసుల సంఖ్య 10500కి చేరింది. ఇది దక్షణ భారతదేశంలోనే ఎక్కువగా ఉన్న సంఖ్య. ఈ నేపథ్యంలో ఈ నెలాఖరు (మే31) లాక్‌డౌన్ పొడగిస్తున్నట్టు తమిళనాడు ప్రభుత్వం ప్రకటించింది. ఇప్పటికే మహారాష్ట్ర 31 వరకు లాక్ డౌన్ పొడగించిన సంగతి తెలిసిందే. ఇక నాల్గో లాక్‌డౌన్ భారీగా సడలింపులు ఇచ్చేందుకు కేంద్రం కసరత్తులు చేస్తున్నట్టు తెలుస్తోంది.