ఫైటర్ టైటిల్ మారింది

పూరి జగన్నాథ్ దర్శకత్వంలో విజయ్ దేవరకొండ నటిస్తున్న చిత్రం ‘ఫైటర్’ (వర్కింగ్ టైటిల్). అనన్య పాండే హీరోయిన్. ఇందులో విజయ్ బాక్సర్ గా కనిపించబోతున్నారు. బాక్సర్ గా విజయ్ యాక్షన్ షాకింగ్ గా ఉంటుందట. యాక్షన్ మాత్రమే కాదు.. ఎమోషనల్ సీన్స్ కట్టిపడేస్తాయని చెబుతున్నారు. మదర్ సెంటిమెంట్ హైలైట్ గా ఉంటుందని తెలిసిందే. ఇంకా చెప్పాలంటే ‘అమ్మనాన్న ఓ తమిళ అమ్మాయి’ పోలికలు ఉంటాయని సమాచారమ్.

ఈ సినిమాకు ‘లిగర్’ అనే టైటిల్ ని ఫిక్స్ చేయాలని పూరి భావిస్తున్నారట. లిగర్ అంటే మగ సింహంకి, ఆడ పులికి పుట్టిన క్రాస్ బ్రీడ్. లిగర్ సౌండింగ్ డిఫరెంట్‌గా ఉండడంతో పాటు ఇంట్రెస్టింగ్‌గా ఉన్న నేపథ్యంలో పూరీ ఇదే టైటిల్‌ని ఫైనల్ చేయాలని అనుకుంటున్నట్టు తెలుస్తుంది. పాన్ ఇండియా సినిమా తెరకెక్కుతోన్న ఈ సినిమాపై ప్రేక్షకుల్లో భారీ అంచనాలున్నాయి. మరీ.. ‘లిగర్’ విజయ్ ఏ రేంజ్ లో గర్జిస్తాడన్నది చూడాలి.