టీ20 వరల్డ్ కప్ వాయిదా ?
కరోనా ఎఫెక్ట్ తో క్రీడా టోర్నీలన్నీ రద్దవుతున్నాయి. ఈ క్రమంలో ఈ యేడాది జరగాల్సిన టీ20 వరల్డ్ కప్ కూడా వాయిదా పడే అవకాశాలున్నాయని సమాచారమ్. షెడ్యూల్ ప్రకారం.. అక్టోబరు 18న ఆస్ట్రేలియాలో టీ20 ప్రపంచకప్ ఆరంభమవ్వాలి. మే 28న జరిగే సమావేశంలో ఐసీసీ టీ20 వరల్డ్ కప్ పై నిర్ణయం తీసుకునే అవకాశముంది. అయితే క్రీడా విశ్లేషకులు మాత్రం టీ20 వరల్డ్ కప్ వాయిడొచ్చని అంచనా వేస్తున్నారు. మరీ.. ఐపీల్ మాటేంటీ అంటే.. ? ఐపీఎల్ కచ్చితంగా జరుగుతుందని చెబుతున్నారు.
ప్రపంచంలోని అత్యుత్తమ ఆటగాళ్లు ఐపీఎల్ ఆడతారు. ఈ లీగ్ అభిమానులను విశేషంగా ఆకట్టుకుంటుంది. ప్రభుత్వ నిబంధనలను అనుసరించి లీగ్ నిర్వహణపై నిర్ణయం తీసుకుంటామని బీసీసీఐ సీఈవో రాహుల్ జోహ్రి అన్నారు. ప్రస్తుతం లాక్ డౌన్ ముగిశాక వర్షాకాలం మొదలవుతుంది. ఆ తర్వాతే ఐపీఎల్ గురించి ఆలోచించాలి. ప్రేక్షకులు లేకుండా ఐపీఎల్ నిర్వహించడం వల్ల జరిగే నష్టం ఎక్కువేం ఉండదని జోహ్రి అభిప్రాయపడ్డారు.
