ఆచార్య వచ్చేది ఎప్పుడు.. ?

ఇన్నాళ్లు సినిమా రిలీజ్ ఎప్పుడు ? అని అడిగేవారు. కరోనా పుణ్యమా ? అని షూటింగ్స్ ఎప్పుడు మొదలవుతాయ్ ? థియేటర్స్ తిరిగి ఎప్పుడు తెరచుకుంటాయ్ ?? అనే ప్రశ్నలు అడుగుతున్నారు. జూన్ నుంచి సినిమా షూటింగ్ లకి సీఎం కేసీఆర్ గ్రీన్ సిగ్నల్ ఇచ్చిన సంగతి తెలిసిందే. ఈ నేపథ్యంలో జూన్ 15 నుంచి షూటింగ్ జరుపుకోవడానికి ఆచార్య రెడీ అవుతున్నాడు.

కొరటాల శివ దర్శకత్వంలో మెగాస్టార్ చిరంజీవి నటిస్తున్న చిత్రమిది. కాజల్ కథానాయిక. ఇక దసరా టార్గెట్ పెట్టుకొన్న ఆచార్యకు కరోనా దెబ్బ గట్టిగానే తలిగింది. వచ్చే యేడాది సంక్రాంతికి ఆచార్య రాబోతున్నట్టు సమాచారమ్. ఇప్పట్లో థియేటర్స్ తెరచుకొనే అవకాశాలు కనిపించడం లేదు. ఒకవేళ తెరచుకున్న జనాలు థియేటర్ కి వచ్చే ధైర్యం చేయకపోవచ్చు. ఈ నేపథ్యంలో ఆచార్య సంక్రాంతికి ఫిక్స్ అయినట్టు సమాచారమ్. ఈ చిత్రంలో రామ్ చరణ్ ఓ కీలక పాత్రలో కనిపించబోతున్నారు.