భారత్ లో లక్షా 50వేలు దాటిన కరోనా కేసులు

భారత్ లో కరోనా విజృంభణ కొనసాగుతూనే ఉంది. గడిచిన 24గంటల్లో కొత్తగా 6387కేసులు, 170మరణాలు సంభవించాయి. దీంతో దేశంలో మొత్తం కరోనా బాధితుల సంఖ్య 1,51,767కి చేరింది. వీరిలో ఇప్పటివరకు 4337 మంది ప్రాణాలు కోల్పోయారని కేంద్ర ఆరోగ్య, కుటుంబ సంక్షేమశాఖ వెల్లడించింది.

సంతోషించాల్సిన విషయం ఏంటంటే.. ? మంగళవారం ఒక్కరోజే 4వేల మంది కరోనా నుంచి కోలుకొని డిశ్ఛార్జ్ అయ్యారు. మొత్తం కరోనా బాధితుల్లో ఇప్పటి వరకు 64,426మంది కోలుకోగా మరో 83,004మంది చికిత్స పొందుతున్నారు. ఇక మహారాష్ట్రలో వైరస్ తీవ్రత ఆందోళనకరస్థాయిలో ఉంది. రాష్ట్రంలో నిన్న ఒక్కరోజే కొత్తగా 2091 పాజిటివ్ కేసులు నిర్ధారణ కాగా 97మంది మృత్యువాతపడ్డారు.