‘వకీల్ సాబ్’పై పరుచూరి ప్రశంసలు
‘వకీల్ సాబ్’ సినిమాతో పవర్ స్టార్ పవన్ కల్యాణ్ రీ ఎంట్రీ ఇస్తున్న సంగతి తెలిసిందే. బాలీవుడ్ హిట్ ‘పింక్’కి రిమేక్ ఇది. ఇందులో బిగ్ బీ అమితాబ్ నటించిన పాత్రలో పవన్ కనిపించనున్నారు. ఈ చిత్రానికి యువ దర్శకుడు వేణు శ్రీరామ్ దర్శకత్వం వహిస్తున్నారు. బోనీ కపూర్ తో కలిసి దిల్ రాజు నిర్మిస్తున్నారు.
‘మే’ నెలలో ప్రేక్షకుల ముందుకు రావాల్సిన ‘వకీల్ సాబ్’ కరోనా ఎఫెక్ట్ తో వాయిదా పడింది. తాజాగా వకీల్ సాబ్ టైటిల్ పై ప్రముఖ సినీ రచయిత పరుచూరి గోపాల కృష్ణ ప్రశంసలు కురిపించారు. వకీల్ సాబ్ టైటిల్ సూపర్ అని కితాబిచ్చారు. హిందీలో ‘అమితాబ్ బచ్చన్ నటించిన చిత్రానికి పింక్ అని పెట్టారు. తమిళంలో అజిత్ నటిస్తే ‘నేర్కొండ పార్వాయ్’ అని టైటిల్ పెట్టారు. తెలుగులో ఏం టైటిల్ పెడతారా? అని ఎదురు చూశా. వకీల్ సాబ్ సూపర్ టైటిల్. ఈ టైటిల్ ఆలోచన వచ్చిన వాళ్లకు హ్యాట్సాఫ్’ అన్నారు పరుచూరి.
