శ్రీదేవితో పోటీపై మాధురీ దీక్షిత్ మాట

శ్రీదేవి, మాధురీ దీక్షిత్.. బాలీవుడ్ ని ఏలీన కథానాయికలు. అనేక హిట్లు అందుకోవడంతోపాటు కోట్లాది అభిమానుల్ని సంపాదించుకున్నారు. ఈ నేపథ్యంలో అప్పట్లో శ్రీదేవి, మాధురీకి మధ్య పోటీ ఉందని చెప్పుకొనేవాళ్లు. తాజాగా మీడియాకు ఇచ్చిన ఇంటర్వ్యూలో మాధురీ.. శ్రీదేవితో పోటీపై వివరణ ఇచ్చారు.

“శ్రీదేవికి వృత్తిపట్ల అంకితభావం చాలా ఎక్కువ. ఆమె తన మొత్తం జీవితాన్ని నటనకే అంకితం చేశారు. ఆమె చేసిన సినిమాల్లో ఐదో భాగం కూడా నేను చేయలేదు. మా మధ్య ఎటువంటి పోటీ లేదు. మేం రేసు గుర్రాలం కాదు, కాబట్టి ఎవరు ముందు ఉన్నారనే విషయం గురించి ఆలోచించకండి” అని మాధురి చెప్పుకొచ్చారు. ప్రస్తుతం ధర్మ ప్రొడక్షన్స్‌ తీస్తున్న నెట్‌ఫ్లిక్‌ సిరీస్‌లో మాధురీ దీక్షిత్ నటిస్తున్నారు. ‘డ్యాన్స్‌ దివానే’ షోకు న్యాయనిర్ణేతగా పనిచేస్తున్నారు.