తెలంగాణలో ఒక్కరోజే 199 కేసులు

తెలంగాణలో కరోనా మహమ్మారి విజృంభణ కొనసాగుతూనే ఉంది. ఆదివారం రికార్డ్ స్థాయిలో 199 కరోనా పాజిటివ్ కేసులు నమోదయ్యాయ్. మరో 5 గురు మృతి చెందారు. ఒక్క జీహెచ్ ఎంసీ పరిధిలోనే 122 కేసులు నమోదయ్యాయి. గత ఐదు రోజులుగా తెలంగాణలో కరోనా కేసులు భారీగా నమోదవుతున్నాయి. మే 27 నుంచి వరుసగా 107, 117, 169, 74, 199 కేసులు నమోదవ్వడం ఆందోళన కలిగిస్తోంది.

ఇక గ్రేటర్ లో కరోనా రోజురోజూకి విజృంభిస్తోంది. ఒకే రోజు ఏకంగా 122 కేసులు నమోదవడం కలవరానికి గురిచేసింది. ఇప్పటి వరకు గ్రేటర్ నమోదైన కేసుల్లో ఇదే అత్యధికం. ఖైరతాబాద్, ముషీరాబాద్, చాదర్ ఘాట్ ప్రాంతాల్లో కరోనా బారినపడి చికిత్స పొందుతున్న వారిలో నలుగురు మరణించారు. పిన్నల నుంచి పెద్దల వరకు ఎవర్నీ మహమ్మారి వదలట్లేదు. పహాడీషరీఫ్ లో అన్నదమ్ములకు చెందిన ఐదు కుటుంబాల్లో 43 మంది వైరస్ బారిన పడి ఆసుపత్రి పాలయ్యారు.