హీరోగా గౌతమ్.. క్లారిటీ ఇచ్చిన మహేష్ !

సూపర్ స్టార్ మహేష్ బాబు తనయుడు గౌతమ్ ఇప్పటికే తెరంగ్రేటం చేసేశాడు. ‘వన్-నేనొక్కడినే’ సినిమాలో చిన్నప్పటి మహేష్ బాబుగా కనిపించి ఆకట్టుకున్నాడు. అయితే భవిష్యత్ లోనూ ఆయన నటనవైపు వస్తారా ? హీరోగా చేస్తారా ? నటనపై గౌతమ్ కు ఆసక్తి ఉందా ?? అనే అనుమానాలని తీర్చేశాడు మహేష్.

ఆదివారం (మే 31) తన తండ్రి, సీనియర్ సూపర్ స్టార్ కృష్ణ పుట్టినరోజు సందర్భంగా మహేష్ ఇన్ స్టా వేదికగా అభిమానులతో ముచ్చటించారు. గౌతమ్ భవిష్యత్ లో హీరో అవుతాడా ? అని ఓ నెటిజన్ అడిగిన ప్రశ్నకి మహేష్ సమాధానం ఇచ్చారు. ‘నాకు తెలిసి తనకి కావాలనే ఉంది. ఏదైనా కాలమే చెబుతుంది’ అన్నారు మహేష్. 

ఇక కరోనా లాక్‌డౌన్ తో ఇంటికే పరిమితమైన మహేష్ తనయుడికి నటనలో శిక్షణ ఇస్తున్నట్టు తెలిసింది. ఇటీవల మహేష్ సోషల్ మీడియాలో పోస్ట్ చేసిన ఓ వీడియోలో తండ్రి-కొడుకులు ఓ సీన్ లో పోటీపడటం చూశాం. ఈ సీన్ లో మహేష్ సీరియస్ గా సవాల్ విసిరితే.. ప్రతి సవాల్ విసరాల్సిన గౌతమ్ నవ్వు ఆపులేకపోవడం చూశాం. ప్రస్తుతం మహేష్ ‘సర్కారు వారి పాట’ సినిమాతో బిజీగా ఉన్నారు. బలమైన మెసేజ్ తో కూడిన ఫ్యామిలీ ఎంటర్ టైనర్ ఇది. పరశురామ్ దర్శకుడు.