బాలయ్య బర్త్ డే గిఫ్ట్ రెడీ

జూన్ 10 – నటసింహం నందమూరి బాలకృష్ణ పుట్టినరోజు. ఈ సందర్భంగా అభిమానుల కోసం అదిరిపోయే బహుమతిని అందించబోతున్నారు బాలయ్య. బోయపాటి-బాలయ్య కాంబోలో హ్యాట్రిక్ సినిమా రాబోతున్న సంగతి తెలిసిందే. బర్త్ డే కానుకగా ఈ సినిమా టైటిల్ పోస్టర్, ఫస్ట్ లుక్ ని రిలీజ్ చేయబోతున్నారు. అంతేకాదు.. స్వయంగా బాలయ్య పాడిన ఓ పాటని వదలబోతున్నారు.

గతంలో ఆయన పూరి జగన్నాథ్‌ దర్శకత్వంలో వచ్చిన ‘పైసా వసూల్‌’చిత్రంలో పాట పాడి మెప్పించారు. ఇప్పుడు మరోసారి బోయపాటి సినిమా కోసం గొంతు సవరించుకున్నట్లు తెలుస్తోంది. ఇప్పటికే ఈ పాట రికార్డింగ్‌ కూడా పూర్తయినట్లు తెలుస్తోంది. తాజాగా ఓ ఇంటర్వ్యూలో బాలకృష్ణ మాట్లాడుతూ.. ‘త్వరలో మళ్లీ నా పాటతో సామాజిక మాధ్యమాల్లో సందడి చెయ్యబోతున్నా. దీనికి పెద్దగా సమయం కూడా తీసుకోవాలనుకోవట్లేదు. మరో నాలుగైదు రోజులంతే” అంటూ పాటపై క్లూ ఇచ్చేశారు.