2 లక్షలు దాటిన కరోనా కేసులు

దేశంలో కరోనా విజృంభిస్తోంది. ప్రతిరోజూ 8వేలకి పైగా కరోనా కేసులు నమోదవుతున్నాయి. గడిచిన 24 గంటల్లో 8,909 కొత్త కేసులు నమోదయ్యాయ్. దీంతో మొత్తం కరోనా కేసుల సంఖ్య  2,07,615 కి చేరాయి. మంగళవారం ఒక్కరోజే కరోనా కాటుకు 217 మంది బలయ్యారు. దీంతో మొత్తం కరోనా మరణాల సంఖ్య 5,815కి చేరాయి.

ఇప్పటి వరకు కరోనా నుంచి కోలుకొని 1,00,302 మంది డిశ్ఛార్జ్ అయ్యారు. ప్రస్తుతం 1,01,497 మంది ఆసుపత్రుల్లో చికిత్స పొందుతున్నారు. ఇక తెలుగు రాష్ట్రాల విషయానికొస్తే.. ఏపీలో ఇప్పటి వరకు 3,200 కరోనా కేసులు నమోదు కాగా.. 64 మంది మృతి చెందారు. తెలంగాణలో 2,891 కేసులు, 92 మరణాలు నమోదయ్యాయ్.