కరోనా కాటు.. పాక్ క్రికెటర్ మృతి !

మహమ్మారి కరోనాకి సామాన్యుడు సెలబ్రిటీ అనే తేడానే లేదు. కాటేస్తే.. కాటికి పోవాల్సిన పరిస్థితి. ఇప్పటికే పలువురు సెలబ్రిటీలు కరోనా కాటుకు బలయ్యారు. తాజాగా పాక్ మాజీ క్రికెటర్ రియాజ్ షేక్ కరోనా సోకి మృతి చెందారు. రియాజ్‌ కరోనా వైరస్‌ కారణంగా మృతి చెందాడని పాక్‌ మాజీ కెప్టెన్‌ రషీద్‌ లతీఫ్‌ అధికారికంగా ప్రకటించాడు.

రియాజ్ మాజీ ఫస్ట్‌క్లాస్‌ క్రికెటర్.18ఏళ్ల కెరీర్‌లో రియాజ్‌ షేక్‌ (51) లెగ్‌స్పిన్‌తో ఆకట్టుకున్నాడు. రియాజ్‌ 43ఫస్టుక్లాస్‌ మ్యాచ్‌లు, 25లిస్టు ఎ మ్యాచ్‌లు ఆడాడు. గత ఏప్రిల్‌లో పాక్‌ మాజీ క్రికెటర్‌ సర్ఫరాజ్‌ (50) కూడా కరోనాతో ప్రాణాలు కోల్పోయిన సంగతి తెలిసిందే. దీంతో కోవిడ్‌ 19 వైరస్‌ కారణంగా మరణించిన రెండో క్రికెటర్‌గా రియాజ్‌ నిలిచాడు.