బాలీవుడ్ వైకుంఠపురములో హీరో ఎవరో తెలుసా ?
త్రివిక్రమ్-అల్లు అర్జున్ కాంబోలో వచ్చిన హ్యాట్రిక్ చిత్రం ‘అల.. వైకుంఠపురంలో’. పూజా హెగ్డే కథానాయిక. గీతా ఆర్ట్స్, హారికా & హాసినీ క్రియేషన్స్ సంయుక్తంగా నిర్మించాయి. సంక్రాంతి కానుకగా వచ్చిన ‘అల.. వైకుంఠపురంలో’ బ్లాక్ బస్టర్ హిట్ అయింది. సంక్రాంతి విజేతగా నిలిచింది. ఈ సినిమా ఫస్ట్ లుక్ మొదలు కొని.. పాటలు, టీజర్, ట్రైలర్, వీడియో సాంగ్స్ టన్నులకొద్ది రికార్డులన్ని సృష్టించాయ్. ఆ రికార్డుల పరంపరం ఇంకా కొనసాగుతూనే ఉంది.
ఇప్పుడీ ఈ సినిమాని బాలీవుడ్ లో రిమేక్ చేసేందుకు ప్రయత్నాలు జరుగుతున్నాయి. రణ్ వీర్ సింగ్ కథానాయకుడిగా బాలీవుడ్ వైకుంఠపురంలో తెరకెక్కనుందని సమాచారమ్. బాలీవుడ్ లోనూ గీతా ఆర్ట్స్ నిర్మించనుంది. హిందీ వెర్షన్ కి కూడా థమన్ నే సంగీతం అందించనున్నట్టు తెలుస్తోంది. హీరోయిన్ ఎవరు ? ఇతర విషయాలు తెలియాల్సి ఉంది.
