సుస్మితా సేన్ ‘ఆర్య’ ట్రైలర్ చూశారా ?
గత కొన్నేళ్లుగా బాలీవుడ్‌ సుందరి సుస్మితా సేన్ నటనకు దూరంగా ఉన్నారు. ఆమె ‘ఆర్య’ వెబ్‌ సిరీస్‌తో రీ ఎంట్రీ ఇస్తున్నారు. క్రైమ్‌ డ్రామాగా రూపొందుతున్న ఈ సిరీస్‌కు రామ్‌ మద్వానీ దర్శకత్వం వహిస్తున్నారు. చంద్రచూర్ సింగ్, సికందర్ ఖేర్, అలెక్స్ ఒనెల్, నమిత్ దాస్, మనీష్ చౌదరి ప్రధాన పాత్రలు పోషించారు.
తాజాగా ఈ సిరీస్‌కు సంబంధించిన ట్రైలర్‌ను విడుల చేశారు. తన పిల్లల్ని కాపాడుకునేందుకు ఓ తల్లి ఎంతకైనా తెగిస్తుందని చెప్పే కథే ఇది. ఇలాంటి పాత్ర దొరకడానికి నాకు పదేళ్లు పట్టింది సుస్మితా అన్నారు. ఇక ట్రైలర్ లో సుస్మిత పవర్‌ఫుల్ మహిళ పాత్రలో కనిపించారు. కొందరు ఆమె భర్తను హత్య చేస్తారు?.. ఈ నేపథ్యంలో సాగిన ట్రైలర్ సిరీస్‌పై ఆసక్తిని పెంచింది. ‘మనం ఎవర్ని నమ్ముతామో.. వారే మోసం చేస్తారు’ అని సుస్మిత చివర్లో చెప్పారు. జూన్‌ 19న హాట్‌స్టార్‌లో ఈ సిరీస్‌ ప్రారంభం కాబోతోంది.
