ఏపీలో 147 కొత్త కేసులు

ఏపీలో కరోనా విజృంభణ కొనసాగుతూనే ఉంది. ప్రతిరోజూ వందకుపైగా కొత్త కేసులు నమోదవుతున్నాయి. గడిచిన 24 గంటల్లో ఏపీలో కొత్తగా 147 కరోనా కేసులు నమోదయ్యాయి. మొత్తం15085 మంది అనుమానితులకు కరోనా పరీక్షలు నిర్వహించగా 147 పాజిటివ్‌ వచ్చింది. 16 మంది కరోనా నుంచి కోలుకొని డిశ్చార్జ్‌ అయ్యారు. ఇద్దరు కరోనా బాధితులు మృతి చెందారు.

రాష్ట్రంలో ఇప్పటివరకు మొత్తం 5,029 కేసులు నమోదయ్యాయి. కొవిడ్‌ కారణంగా గడచిన 24 గంటల్లో ఇద్దరు మృతి చెందారు. రాష్ట్రంలో ఇప్పటి వరకు కొవిడ్ కారణంగా మృతి చెందిన వారి సంఖ్య 77కి చేరింది. ఇప్పటి వరకు వివిధ ఆసుపత్రుల్లో చికిత్స పొంది కోలుకుని డిశ్చార్జి అయిన వారి సంఖ్య 2,403కి చేరింది. ప్రస్తుతం వివిధ కొవిడ్‌ ఆసుపత్రుల్లో 1,510 మంది చికిత్స పొందుతున్నారు.